文章
3 Nov 2008 (Mon)
(第20週) 明天終於照結構了，好緊張呀﹗希望阿b身體健康，樣樣都能夠順利過關啦﹗
今晚我教左佢明天要乖乖地舉起雙手被醫生數手指，希望佢聽話啦﹗事關我見人地d媽咪講話d阿b成日都鐘意用隻手遮住塊面唔比人睇的，好似特登整古你咁。
4 Nov 2008 (Tue)
今日準時到達廣華醫院，幸運地只等了15分鐘就到我了。醫生一坐低就話今次唔會照男定女，亦唔會數手指腳指，好cool咁。但佢都算細心咁逐part逐part咁睇，但就無乜同我地講野，只係話lee度係心、lee個係腎、lee度係膀胱….約12分鐘後，她就話照完了，樣樣都無問題，可以走了。過到關了，即時放下心頭大石﹗
今日要讚阿b一樣野，就係當醫生照阿b的頭時，阿b突然舉起雙手放係頭的兩側，我心諗梗係阿b以為醫生要同佢數手指了，所以扮投降，真係聽話了﹗可惜醫生唔理佢。
0 留言:
發佈留言