北海道 - 3

15 July 2009 (Wed)  雨

又係下雨天，原定今天去富良野賞花的，但一早起身見到落大雨，臨時改去小樽先，晚些才去富良野。

一早起床，首先去浸個溫泉浴先，然後再到餐廳嘆番個自助早餐，都ok地豐富的，吃飽飽後，我們就按GPS往小樽出發，GPS show左個toll fee出來要￥3700，為成HK$300路費都真係幾貴喎，我在日本入滿成缸油都係HK$300咋，不過無計la，落咁大雨，無理由仲去賞花架，最終都係起程去小樽先。

約2.5小時後，終於到達小樽了。首先到達音樂盒博物館，它門前有個蒸氣鐘，佢一夠鐘就會响音樂同埋會嘖蒸氣出來，都幾得意的。







對面馬路就係銀之鐘一號館，裡面2-3/F 有間Hello Kitty Cafe，你只要買隻杯就可以飲野了，熱飲係無限添飲tim。

之後就走去食政壽司，這兒的海膽真係一絶，到而家我都仲好回味！





之後諗住去搵即燒帶子食，但一路搵到去出拔小路都搵唔到，後來見到有間雪糕店賣夕張蜜瓜鬍子￥1000，用半隻蜜瓜上面加兩棟雪糕，看似好好味，又以為係用夕張蜜瓜的，所以就買了個試，雪糕超好味，
蜜瓜味好濃郁，但個蜜瓜就普普通通了，總結就知道原來係個雪糕係夕張蜜瓜味的雪糕，而個蜜瓜就只是普通蜜瓜一個。

時間關係，夠鐘出發去富良野了。由小樽去富良野toll fee要成￥4,450，約2.5小時無驚無險就到了我們預先訂好的Kumasan Loghouse了。一到步，Kumasan就帶我們入屋briefing了，介紹完一輪佢間屋後，就話一早已幫我地抽好籤選了房了，一入到房，即時呆左，
以為入錯柴房，房內只有一張碌架床，好在我們預先pack好簡便行李，如果唔係，我們的行李箱都放唔到入去。




食晚飯期間，Kumasan話由於得一個沖涼房，所以要抽籤，今晚total 14個人，每人有15mins時間沖，我們好運到你唔信，
居然抽到第10 & 14籤，14籤要排到半夜12:00先輪到，簡直情天pig pig，本來諗住辛苦了一天想早d訓都唔得 ﹗ 好彩地有個好人讓出天字1號籤給我們，我們真係感激不盡呀，於是我們食完飯後, 二人極速走入去沖涼, 事關15分鐘內要完成。

這晚唯一開心的係慶幸遇到一班好傾的香港人，大家一起分享心得，大家都傾得很開心。

最不好意思的係，跳跳虎果日生日ar，仲要委屈佢住在咁的地方tim（佢不褸對住係無乜要求架，但佢都唔accept lee度lor），攪到佢好唔快活ar﹗