恭喜發財
母乳餵哺的好處及技巧
17 January 2009 (Sat)
早幾日去左上廣華產前免費講座,今次講的題目係「母乳餵哺的好處及技巧」,lee個course足足上左三個鐘頭有多。
SUMMARY
1. 世衛建議餵哺母乳最少半年,以增強bb的抵抗力、減低患病及敏感的機會。母乳營養價值高、容易消化及吸收,有助bb腦部及神經系統的發育,亦可在餵哺期間增進母親與bb之間的感情,幫助bb建立安全感。
2. 生完後要盡快比bb吸吮,令母親的催乳激素產生,從而知道要開工做奶。
3. 初初出來的母乳是黃色的(係最有營養價值及含有大量免疫力),叫「黃金初乳」,俗稱「金露」,之後的母乳會變回白色。
4. 餵哺母乳期間戒食味濃的食物。
5. 肝臟、乳鴿及豆豉有回奶的作用,所以餵母乳期間戒食。
6. 哺乳前的預備:
i) 更換尿片
ii) 洗手
iii) 媽媽和bb的位置均感舒適,可利用椅子和cushion幫助
7. 餵哺的正確姿勢:
i) 一隻手支持bb的背和頸
ii) 另一隻手托住乳房
iii) 用乳頭輕碰bb上唇,誘bb張開口
(iv) 待bb張大口時才將bb推向乳房,讓bb含住乳暈的大部份,以便吸吮,不要俯身以乳房去就佢
8. 初生嬰兒食量很少,不需理會佢食左幾多,只要每天維持有六條以上的濕尿片,就為之足夠。
9. 泵出來的母乳放入雪櫃可保存2天,放冰格就可保存至兩個月,儲奶瓶外要貼上標籤註明日期及時間;切勿用微波爐解凍,解凍後的人奶不可再冷藏。 加熱後的人奶要搖勻及測試溫度後,才可餵哺嬰兒。
我係一隻波兒
昨日跳跳虎將我的鈴聲,改左做崖上的波兒,仲話我係一隻波兒,仔細聽完D歌詞都好好笑.
咁我問佢:我係波兒定BB係波兒.
佢話:媽媽係波兒,隻B自然都係波兒La!
He!He!我地D3月媽媽全部係波兒!
波兒,波兒,波兒,肚子脹卜卜,脹卜卜,哈哈笑,整天在笑。
波兒,波兒,波兒,肚子脹卜卜,脹卜卜,哈哈笑,整天在笑。
跳前跳左,轉 個圈,一對奇妙腳 仔,開心通處跑;
半游半走,跳前跳左,一對奇妙腳 仔,開心通處跑;
廣華產前免費講座
3 January 2009 (Sat)
這天一口氣上了兩個講座,”分娩的認識" 及 “嬰兒的護理”。如丈夫想陪產的話,”分娩的認識”就一定要兩個一齊上,課後姑娘會蓋印在我們的黃色產前講座出席紀錄表上,到分娩當天要交給當值姑娘,如出示不到或沒有上課,丈夫就不能陪產了。
SUMMARY
分娩的認識
1. 37週為之足月,就算36週6天出世都唔叫足月。
2. 作動分三種
(i) 見紅:除非大量出血,如果唔係的話,唔使心急,可以慢慢準備入院
(ii) 陣痛:如陣痛不頻密不需太快入院,當陣痛漸趨頻密及幅度高就要即刻入院
(iii) 穿羊水:要立刻入院,因胎盤易受感染,以及怕臍帶被羊水沖了出來
3. 進入醫院後,直接前往急症入院登記處辦理入院手續。
4. 醫院會提供笑氣給產婦作減痛之用,每用一下要深深的吸入,過十幾秒後才發揮功效,用得多會令人迷糊及昏睡。
5. 廣華每個工作天只會做3個無痛分娩,先到先得。
6. 出生後要定期帶bb去健康院打預防疫苗
嬰兒的護理
1. 餵奶
(i) 先加暧水,後落奶粉,然後”初”暈佢,用手背試溫度,啱溫度就可以給bb飲了
2. 沖涼
(i) 兩餐之間及下午沖涼為最適當,先關好窗,冬天可開暧氣,夏天要關掉冷氣才替bb沖涼
(ii) 沖涼前先準備好物品
- 大毛巾 (一沖完即刻用來包住bb,以免著涼)
- 衫仔 (如要穿兩件以上,宜先將衣服套好衫袖,方便幫bb一次過穿著)
- 隔尿墊及尿片
(iii) 預備水:
先加涷水,後加暧水入沖涼盆內 (不宜多於半盆水),然後用手攪暈,用手掙試水溫。如係恆溫爐可將水溫調較至39-40度(視乎天氣而定)
(iv) 首先用棉花球點凍開水幫bb洗眼仔,一邊用一塊,然後抺面
(v) 然後除衫,除剩條尿片,用大毛巾包住身仔,洗頭 (宜用嬰兒二合一沖涼液)
(vi) 除尿片後沖涼,用手臂托住bb的頭頸位置,手掌捉住bb腋下,以防bb滑下
(vii) 沖完後,立即用大毛巾包裹著bb身體,以防著涼
(viii) 洗臍帶,拉開肚臍附近皮膚,用棉花棒點凍開水打圈咁抹肚臍 (姑娘話唔一定要用火酒的,如有需要的話,火酒濃度是70-75%)
(ix) 著尿片,如臍帶尚未脫落,包尿片時要向外摺一摺,以防尿片邊磨到臍帶
(x) 著衫
最後還派發了兩份禮物呢﹗
Huggies Set
Johnson Baby Set