新的開始

好耐無上過來update tim, d哥哥姐姐想睇我d 相喎，咁等我講下我的近況先

踏入3個月，我就戒左夜奶lu，但唔食個心又囉囉嘍，瞓得唔係咁好，攪到我下半夜成日都喊，每個鐘都要喊一次咁，要爸爸媽媽安撫我一輪，我先能夠再次瞓番著。後來佢地都頂我唔順，最終搬左我上大床瞓，hehe，大床又真係幾舒服喎，好似瞓得淋好多tim﹗
而家4個幾月lu，到5點到先開始發作la，
跟住媽媽就會比隻奶咀我食，咁就好快瞓番le，通常7-8點先瞓飽飽起身食奶奶豬。

之前甩左好多頭毛變左做清朝人，後來又變左隻小蜜蜂，因為我頭頂生左兩條鬚ar
係唔係好cute呢?  而家就生番晒d頭毛仔lu，當堂靚番晒



最近，我發現左樣好好玩的野呀, 就係反轉身，我成功過架，媽媽係證人黎ga，但唔知點解，唔係次次得ge
  成日個身轉左，但個頭仔就轉唔到，到個頭仔轉到，但隻手仔又伸唔到出黎喎，攪到我好忟憎ar，咁我咪怒叫lor，之後就會有人黎幫拖ga lu

14 July 2009 (Tue)  雨

Tokyo Inn包一頓簡約的自助早餐，有飯團、腸仔、雞蛋等，味道還可以!

接著行去先前book好的Nissan札幌站北口店取車(遲d會再post北海道自駕遊貼士，供大家參考)。
接過車後，就去舊議會廳看看，按GPS的指示就駛到議會廳的停車場。停車場的守衛給了張泊車紙，只要在市政廳Reception叫人蓋個印可有2 hrs free parking。



接著開車到時計台，由於入去要收錢，看來也沒什麼睇頭, 在門口拍了幾張相就走人。
然後開車去二條市場，在附近找了個停車場泊車，盛惠￥100 20分鐘。 在二條市場四處看看，那兒有不少手信店，根據我們的經驗白之戀人、六花亭、Royce、夕張Pocky都是公價的，在一些二條的店可給5-10% discount，所以可在這處入貨。(另外在Nissan千歲機場店交車時， Nissan也會給你10% off coupon 在機場指定商店使用，你也可在機場買手信，但不知是不是Nissan每次都有Coupon派)

在二條市場內可找到どんぶり茶屋，它的丸鮮蓋飯值得推介，特別是海膽飯好新鮮， 超正﹗
蟹肉飯，我覺得比蟹將軍還美味﹗用北海道XX再發見Coupon送前菜。







(丸鮮蓋飯)

狸小路就在二條市場附近，就行了一會，但沒什麼特別，都是一些藥房、服裝店…
行了好陣已2時多了，就開車出發前往登別了，車程大約2.5小時 Toll fee ￥2,500。到達第一瀧本館Check In 後，就走過去旁邊地獄谷觀光，沿著山路向上行，會見到有很多噴湮的小洞，硫磺味處處，看到這樣就知道第一瀧本館的溫泉是貨真價實了!






然後在溫泉街看手信，經過一間海鮮店，被她的即開海膽吸引了，結果是超失望，乜味都冇只有海水味!




飯前，先去浸浸溫泉消除疲勞， 在溫泉區裏是男女分開的，在溫泉區內是不可穿衣服或泳衣的，你只可拿著一塊洗面巾四圍走….溫泉區有兩層,下層有2,3個露天溫泉,合共十幾廿個溫泉,據說各有療效,大家可以慢慢享受，超Relax呢!

咁大家如果想跟另一半浸點算好呢!在更衣室出來後,落一層就是男女共浴區,男士們先不要太興奮啊! 因為這區是要穿泳衣的，所以大家記得帶泳衣啊! 這裏有,一兩個”澤Gucci”、一個露天風呂、一個泳池及水上滑梯(都幾刺激架!)
這間酒店我們係一泊兩食的，今晚食Buffet，都有好多美食選擇，如蟹腳、燒帶子、 燒牛肉、魚生飯、天婦羅等等….Yummy Yummy! 日本的消費指數咁高，計番條數，這兒的一泊兩食簡直係超值 (詳情請看稍後post的住宿編)﹗



食完咁豐盛的晚餐，記得等消化一陣，才再去浸多次溫泉啊! 浸完溫泉就

，真是超幸福啊!

13 July 2009 (Mon)       雨

其實Poohpooh咁大個女都未坐過Business Class，所以跳跳虎上機前帶我呢位大鄉里到Cathay 個Business Class lounge 巡視下，食個早餐同Haagen Dazs先上機。

呢張係可變成平睡的飛機椅上影的


lee度ge飛機餐有好多道菜架，而個前菜仲幾好味tim﹗




經過差不多5小時的航程，終於到達札幌新千歲機埸了，沿住機場指示到JR站,在機埸JR售票處旁有Tourist Information. Centre，
記得入去拿些小冊子，有本見北海道XX再發見，裡面有不少Discount Coupon， 如雪印雪糕、蟹本家、蟹將軍，etc…從新千歲機埸到札幌站 (￥1040 per head)需時約30minute。

到札幌站找北口出去，幾分鐘就到先前book好的Tokyo Inn了， 雙人房一晚連早餐￥9240，房間是小了點，但勝在平及乾淨企理，地點便利，值得推介﹗果日做緊promotion，個staff同我地講話入會的話會平20%，咁我地拿拿林計過條數，比￥1500入會都有著數，於是乎就入埋會了，仲有迎新禮物送tim。

放低行李後，先到雪印雪糕店嘆番杯杯雪糕先，用埋Coupon有9折。







跟住在附近的Seibu Shopping一會，7月正是大減價期間，有D衫都真係幾平架，但Agnes B and Burberry blue label 正價，小量貨尾先有折。

行到7:30pm，夠鍾到訂了桌的蟹將軍食晚飯，在札幌站乘地鐵2個站就到，終於可一嘗聞名已久的北海道蟹蟹餐了，超期待啊﹗由于Poohpooh對海鮮敏感，所以只是2個人叫了一位用的蟹旬餐及一盤蟹肉Sushi，一償心願，蟹到了影番張相先





此時味王跳跳虎話：”你覺唔覺得其他食客表情帶點呆滯，無乜歡欣同滿足的表情ar” (跳跳虎通常這樣觀察食客的表情，特別在遊客食肆，找不到微笑點頭，津津樂道的笑容，就不要抱太大的期望了﹗)

結果食落只是覺得每味菜加點蟹肉，但總覺欠缺了廚師的誠意……可能現在不是季節吧﹗又或是叫了一個平的蟹旬餐吧﹗坦白說雖然還可以，但真是很一般一般，可能抱有太大期望吧!出奇的是結帳時，雖然我們共花了~￥5,500 (用埋Discount coupon)，但它還送了一盒價值￥693 的Royce potato chips給我們!

食完搭地鐵回酒店ZZzzzzzzzzz

好耐都無去過旅行了，開始蠢蠢欲動，咁啱7月開始公司宣佈要放no paid leave，老公又突然間有假放，於是臨急臨忙走去book機票，但book唔到，走左去Asia Miles redeem機票，淨係得business class先有位，要50,000 miles，但都唔理了，實在好想起程ar，於是都照殺。跟住就極速用了個半禮拜就plan晒成個行程出黎了﹗由於生完bb身體還未完全復完，所以今次探取自駕遊，唔使將行李搬黎搬去咁麻煩。


今次主要係睇花田，其次就係浸溫泉。其實想去北海道睇花田，我已經恨左好耐ga le，但年年lee個時候，老公都要返大陸做野唔得閒，今次難得有機會梗係唔好放過啦。



Day 1 (13/7)            香港 →札幌

Day 2 (14/7)            札幌→登別

Day 3 (15/7)            登別→富良野

Day 4 (16/7)            富良野→美瑛

Day 5 (17/7)            美瑛→小樽

Day 6 (18/7)            小樽→新千歲機場→香港