KidZania (15 July 2013)

上午5:21 | 標籤：曼谷之旅2013

這天我們來到今年3月先新開的KidZania玩

這是位於Siam Paragon 5樓的，但入口要在4樓找，穿過 Food Passage先會見到上5樓 Kidzania專用的扶手電梯。

一上到去就會見到一架Air Asia 的飛機破牆而出, 真係夠晒氣勢。

售票處整成check-in counter 咁 (小童入場費650 baht, 大人 400 baht)

入場的位置攪到好似過緊關，之後經過一條隧道後, 就來到另一個世界啦，頭頂佈置成個夜空咁, 好靚，場景亦整得好靚, 又熟口熟面咁, 如7-11、MacDonald、CocaCola、油站、消防局、Honda車行等等…就在你面前

入到場第一件事, 記住去銀行先, 每位小朋友都有50蚊可以提取的

之後可以開工了
第一個職業就梗係佢ge至愛 - 消防員la

之後就去佢對面的加油站做加油員

做救護員都好得意, 被救的係真人, 小靖軒今次救的係一個暈倒的女人, 這班救護員就同LEE個女仕急救。(個女仕就慘了, D小朋友咁粗魯又多手多腳)

我見另一轉被救的人仲攪笑, 自己撞埋落架救護車度, 之後D小救護員落車救人, 場面都幾迫真架

到中午時份, 我就安排左佢MacDonald整漢堡飽,lee個職業無人工的, 仲要付款(用賺左的人工), 但整完可以自己食架, 抵呀﹗

之後上左樓上間可樂廠整可樂, 又係整完後自己有得飲返架

lee支係佢人生中第一支飲的可樂

飲飽食醉,又係時候開工la

扮警察去捉賊, 之前會比張相d細路去認人, 之後叫佢地去搵, 無職員跟住的

成班細路, 走上走落, 真係好鬼驚佢地走失, 都係要跟住佢地一齊跑先得 (好鬼累)

最終搵唔到個賊, 唯有返警署先la, 但任務未完成, 都有人工派喎, 真奇怪

玩到累, 坐上Tour Bus 抖下先, 免費坐架

之後去左做飛機師 - lee個職業係影唔到相的

lee個好玩的 - 速遞員, 比兩個boxes 佢地, 運送去目的地, 佢地推住架車仔周圍走, 玩得好開心 (但行人要小心d, 佢地橫衝直撞的

)

另外,見有壽司店, 可以整壽司食,整完又係有得食, 用來做午餐都幾好架

打工賺到的錢, 可以去場內的DEPARTMENT STORE購物, 但又係得小朋友自己入去買, 大人唔可以跟入去。但小靖軒真係太細LAW, 唔識得自己買野

這兒有個好處，就係無time schedule, 排隊排到你就可以玩了；

唔似得台灣咁, 要限時限刻又要計算人頭, 好煩, 令到我地疲於奔命